टाढा टाढाबाट बिरामीहरू आउने गरेका छन् । जति जना बिरामीहरु आउँछन् उनीहरुले पहिलेको जस्तो सेवा पाउन छाडेका छन् । यसरी सेवा भनेजस्तो नपाएपछि जति जना उपचार गर्न आउँछन् उनीहरुले सास्ती खेप्नुपरेपछि बीपीले कमाएको नाम बेनामी भएर आउन थालेको छ ।
बिरामी लिएर आएकाहरुले बिरामीहरु स्वयंले पनि पाइला पाइलामा सास्ती खेप्नुपरेको गुनासो राखे । शुक्रबार मध्यान्ह १२ बजेको समयमा प्रतिष्ठानको आकस्मिक कक्ष पुगेका
राईले उपचार पाउन धेरै समय पर्खिनु पर्ने भएको छ । चिकित्सकले एक पटक एक्स–रे गरेर रिपोर्ट हेरेपछि डिस्चार्ज दिने भनेर एक्स–रे गर्न पठाउने, पुनः अनावश्यक झन्झट दिने भएको बिरामीहरु बताउँछन् । यसरी एक्स–रे गराउँदा पनि अति नै झन्झट बेहोर्नुपर्ने भएको छ ।
यसरी बिरामी राईका आफन्तले एक्स–रे को रिपोर्ट त्यहाँ रहेका अन्य डाक्टरलाई देखाउन खोजे तर, उनीहरू ‘पहिला जसले हेरेको हो, उसैलाई देखाउनु’ भन्दै पन्छिने गरेका छन् ।
यस किसिमको डाक्टरहरुको व्यवहारले आम मानिसहरु आक्रान्त बनिसकेका छन् । अबका दिन यस्तै व्यवहार गर्ने हुन् भने अस्पताल परिसरमा लफडैलफडा हुने देखिन्छ । समय र परिस्थितिलाई बुझेर समयमै समस्याको समाधान नगरे भावी दिनमा बीपी अस्पताल लफडै लफडामा चुलुम्म डुब्ने देखिन्छ । यसकारण बीपीमा समयमै सुधार हुन आवश्यक देखिन्छ । यसैले पनि जति जना मुख्य पदमा बसेका छन् उनीहरुले यस अस्पताललाई सुधारको बाटोमा हिडाएनन् भने भोलिका दिनमा निक्कै नै गाह्रो पर्ने देखिन्छ । अतः बीपीले आफ्ना कर्मचारी लगायत प्रशासन शाखालाई चुस्त दुरुस्त बनाउन नसके धेरै नै समस्याहरू उत्पन्न हुने निश्चित छ । त्यसैले बीपीमा नितान्तको सुधारको खाँचो छ ।
0 Comments:
Post a Comment