अनमोल समाचारदाता
विराटनगर । सशस्त्र प्रहरीले बन्दा कोपी बोकेर भारत जान लागेको ट्रकबाट ६ बोरा गाँजा बरामद गरेको छ ।
प्रहरीले विराटनगरबाट प्रदेश १ –०२– ००१ ख ८६७७ नम्बरको ट्रकमा लुकाएर लिएर जान लागेको १५६ केजी (६ बोरा) गाँजा बरामद गरेको थियो ।
गाँजासहित ट्रक चालक धनकुटा सहिदभूमि गाउँपालिका ३ का २९ वर्षीय विवेक राई पक्राउ परेका छन् । संखुवासभाबाट बन्दा कोपी लोड गरेर ल्याएको ट्रकमा धनकुटाबाट गाँजा लोड गरेर भारततर्फ लैजाने क्रममा पक्राउ गरिएको हो ।
शुक्रबार राति भारततर्फ हिडेको ट्रक चेकजाँच गर्दा सशस्त्र प्रहरी बल बिओपी (बोर्डर आउट पोस्ट) रानी विराटनगरले गाँजा बरामद गरेको थियो ।
मिनी ट्रकबाट ६ बोरा गाँजा बरामद गरी कारवाहीका लागि इलाका प्रहरी कार्यालय रानीमा बुझाएको सशस्त्र प्रहरी बल मोरङले जानकारी दिएको छ । मिनी ट्रकमा ४६ बोरा बन्दा कोपी रहेको थियो ।
0 Comments:
Post a Comment